Биыл ҮЕҰ үшін сыйлықақы беру конкурсына еліміз бойынша барлығы 192 ұйым өтінім тапсырған. Соның ішінде, конкурс нәтижесі бойынша 73 жоба үздік деп танылды. Осы ретте, Атырау қаласынан қатысқан 8 ұйымның жобасы жеңімпаздар қатарынан көрініп, көш бастап тұрған Астана мен Алматы қалаларынан кейін үздік үштікке енді.
Ал, өткен жылы өңірден жеті ұйымның жобасы жеңімпаз атанған болатын. Аталған конкурста жергілікті ҮЕҰ-дар екі жыл қатарынан Астана мен Алматы қалаларынан кейін көш басында келеді. Бұл – еліміздің ірі қалаларынан кейінгі жоғары көрсеткіш. Атыраулық үкіметтік емес ұйымдардың бұл жетістігі – ұйымдардың белсенділігі мен олардың қоғам игілігі жолындағы табанды еңбегі, азаматтық қоғамның дамуындағы маңызды қадам және өңірдің әлеуметтік өміріне қосқан зор үлесінің айғағы.
2025 жылғы үкіметтік емес ұйымдарға арналған сыйлықақының жүлдегерлері:
1. «Batikkami» мәдени қоры - Мәдениет пен өнерді дамыту бағыты
2. «Атамекен Эко» қоғамдық қоры - Қоршаған ортаны қорғау бағыты
3. «Инклюзия Болашақ Атырау» қоғамдық Бірлестігі - Білім беру, ғылым, ақпарат, дене шынықтыру және спорт саласындағы мақсаттарға қол жеткізу бағыты
4. «Shyraq Education» жеке қоры - Білім беру, ғылым, ақпарат, дене шынықтыру және спорт саласындағы мақсаттарға қол жеткізу бағыты
5. «Құрманғазы-Туған жер» қоғамдық Қоры - Білім беру, ғылым, ақпарат, дене шынықтыру және спорт саласындағы мақсаттарға қол жеткізу бағыты
6. «Ер Жүректілер» қоғамдық қоры - Білім беру, ғылым, ақпарат, дене шынықтыру және спорт саласындағы мақсаттарға қол жеткізу бағыты
7. «Миялы» мүгедектер қоғамдық бірлестігі - Халықтың әлеуметтік тұрғыдан осал топтарын қолдау бағыты
8. «Мөлдіркөз» көзі көрмейтін мүгедектер қоғамдық бірлестігі - Халықтың әлеуметтік тұрғыдан осал топтарын қолдау бағыты
Сыйлықақы жүлдегерлерін шын жүректен құттықтаймыз!