АТЫРАУЛЫҚ КҮМІС ВОЛОНТЕР ҰЛТТЫҚ АРНАДА
Атырау қаласының белсенді күміс волонтері Айгүл Арыстанова елордаға барып, “Qazaqstan” ұлттық арнасына арнайы сұхбат берді. “Жақсылық жаса” бағдарламасына қатысқан ол еріктіліктің маңызы мен күміс волонтерлармен атқарылған жұмыстар жайлы сөз қозғады.
Айгүл Арыстанова көптеген қайырымдылық жобаларына қатысып, әлеуметтік осал топтарға көмек көрсетуде белсенділік танытып келеді. Ол жалғызбасты қарттарға және балаларды бейімдеу орталығының тәрбиеленушілеріне қолдау білдіріп, түрлі қайырымдылық шараларын ұйымдастырып жүрген белсенді күміс волонтерлердің бірі.
Айта кетейік, бүгінде Атырау өңірінде 40-қа жуық күміс волонтер белсенді жұмыс істеп, қоғамға өз үлестерін қосуда.