Азаматтық орталықтың ұйымдастыруымен волонтерлерге арналған «Біз таңдаған жол» жобасы аясында «Жоба жазу және оны жүзеге асыру жолдары» тақырыбында семинар - тренингі өтті. Шараға Атырау облысы бойынша 35 жастан асқан волонтерлер және 50 жастан асқан күміс волонтерлер қатысты.
Аталмыш жобаның мақсаты- өңірде күміс волонтерлік қозғалысты дамыту.
Шара барысында тренер коуч Асқар Секербаев волонтерлерге жоба жазу талаптарын түсіндірсе, Гүлжан Елешова волонтерлық бағыттағы жұмыстар бойынша кеңес берді. Тренинг барысында волонтерлер теориялық дәрістер алып, практикалық жұмыстар жасады.
Сонымен қатар, Азаматтық орталық басшысы волонтерлерге сертификаттар табыстады. Алдағы уақытта орталықтың қолдауымен күміс волонтерлермен бірқатар іс-шаралар өткізу жоспарлануда.